Inkastoo kulanka hadda ee Madaxweynihii hore Somaliland isugu keenay Madaxweyne Biixi iyo Musharaxa Xisbiga WADDANI Md, Abdiraxmaan Irro, kolka si loo eego la odhan karo, waa arin wacan oo wanaag soo kordhin karta, hadan marka dib loo milicado mudadii dheerayd ee khilaafka ba’ani ka dhex aloosnaan Xukuumadda Biixi iyo Mu’caaridka, waxa dad badani isweydiinayaan Md. Rayaale miyaanu arkeyn intii waxaasoo dhami dalka ka dhacayeen, oo xataa mararka qaar xaraaradu gaadhey in dad shicib ah oo aan waxba galabsan la’laayey. Waqtigaas oo Sheikh iyo Shariif-ba reer Somaliland isku dayeen deminta muranka, hasey-yeeshee ilaahay qadarkii dedaaladaas oo dhan aan bilaabe ka caanoobin.