Ibraahin Xasan daahir Aweys oo ah wiil uu dhalay Sheekh Xasan Daahir Aweys ayaa lagu dilay duqeyn dhinaca cirka ah oo xalay ka dhacday deegaan ka tirsan gobolka Sh. Hoose.

Sida wararku sheegayaan, Dr. Ibraahim ayaa lagu dilay duqeyn diyaaradeed oo lala beegsaday xilli uu ku sugnaa beer uu isaga lahaa oo ku taalla gobolkaasi Sh. Hoose, sidaas waxaa sheegay ehelka marxuumka.

Faah faahin intaasi ka badan lagama bixin sababta diyaaradaha ay u beegsadeen Wiilkasi dhalinyarada ah, isagoo wax ku bartay gudaha magaalada Muqdisho iyo dalka Masar, iyadoo aan la ogeyn in bartilmaameedka weerarkan uu isaga ahaa iyo inay ku khaldameen cidda duqeyntaas fulisay.