|
|
Hargeysa(Yool) Somaliland ayaa ka hadashay markab alaab ku rogay Dekeda Berbera, oo ay weerar u gayasteen kooxaha Xuutiyiinta ee dalka Yemen.
Wasiirka Arrimaha Guddaha Somaliland Maxamed Kaahin Axmed oo waraysi siiyay Idaacada BBC Somali, ayaa sheegay in Xuutiyiintu ay markabka ku weerareen meel ka baxsan biyaha Somaliland.
“Markabkaasi waxa uu ku gooshaayay calanka dowlada Singabuur, markii la weeraray kumuu jirin mas’uuliyad badeedka Somaliland, xadkeena kuma jirin, marinka Baab Al Mandab ayuu marayay, markaa kadib ayuu usoo laabtay isaga oo dhaawacan” ayuu yidhi Wasiir Kaahin.
Markabkan oo dhawaan ay Xuutiyiintu u gaysteen burbur ayaa la sheegay in uu ka shiraacday Dekeda Berbera oo uu alaab ku rogay, kadibna muddo kadib ayuu Berbera dib ugu soo noqday kadib markii la weeraray.
Hadaba, warbaahinta qaar ayaa sheegaysa in markabku uu u rarnaa dalka Itoobiya, oo uu u siday shixnad alaab ah, inkasta oo anay xukuumada Somaliland caddayn cida uu alaabta u siday.
Weerarada Xuutiyiintu ay ku hayaan maraakiibta ganacsiga ee isticmaala biyaha Badda Cas ayaa kordhay bilihii lasoo dhaafay, iyada oo ay Somaliland caalamka ugu baaqday in layska kaashado ilaalinta ganacsiga Badda Cas.
-
Ciidamada badda Soomaaliya iyo kuwa Midowga Yurub oo soo gabagabeeyay dhoolatus ciidan oo ay sameeyeen
-
Turkiga: Xiisadda Soomaaliya iyo Itoobiya waxay kusoo dhamaanaysaa in Itoobiya ay galaangal u yeelato badda
-
Somaliland oo ka cadhootay warbixin ay shalay baahisay BBC Somali
-
Golaha Wasiirrada Soomaaliya oo meel mariyay xeerarka doorashooyinka iyo xisbiyada siyaasadeed ee dalka
-
Labo nin Soomaali ah oo ku sugan Maraykanka oo qirtay inay isku dayeen inay ku biiraan Daacish