|
|||||
Yoolnews.com
Dallada SONSAF Oo Kulan Aqoon-Korodhsi Ah U Qabtay Xildhibaanada Cusub Ee Golaha Wakiillada Iyo Khudbadihii Madasha Laga Jeediyay…
June 28, 2021 - Written by Yool NewsBaaqa Guddoomiye Faysal C. Waraabe, +Ballan-qaadkii Wasiir Koore,+Talada Guddomiye Cabdiraxmaan-Cirro iyo Xildhibaan Adan Macallin oo Badda soo dhigay Aqoonsiga Somalland Hargeysa(Xogreebnews)-Dalladda guud ee Ururada aan dawliga ahayn ee SONSAF ayaa qabatay ‘Kulanka aqoon-korodhsiga ee mudanayaasha cusub ee Golaha Wakiillada, oo ay u-jeedadiisu tahay sidii Xildhibaanada cusub ee Golaha Wakiilada ee la doortay loogu diyaarin lahaa sidii ay waajibaadkooda u gudan lahaayeen. Guddoomiyaha dalladda SONSAF Anwar Cabdiraxmaan Warsame oo kulankaasi ka hadlay ayaa waxa uu yidhi “Waxaan Rajaynayaa Inaanu si fiican u wada shaqayn doonno Golahan Wakiillada ee Cusub, maadaama oo aanu muddo 10 sanno ah si dhow ula shaqaynaynnay golihii kan ka horreeyay….” “Waxaan u ballan-qaadayaa golaha cusub inaanu Hiil iyo Hooba la garab istaagi doonno. Waanan u ducaynayaa golaha in ILAAHAY hawlaha u fududeeyo”.Ayuu yidhi Anwar. Guddoomiyaha Xisbiga Mucaaridka ah ee UCID Eng. Faysal Cali Waraabe oo ka hadlay madasha aqoon is weydaarsi ee xubanaha cusub ee golaha Baarlamaanka ayaa ugu baaqay mudanayaasha inay ka fikiraan sidii ay dalka uga saari lahaayeen nidaamka qabyaaladda ee dalka barriinsaday dalkana ugu xidhi lahaayeen adduunyada kale. Guddoomiyaha Xibsiga WADDANI Mudane Cabdiraxmaan Maxamed Cabdilaahi (Cabdiraxmaan-Cirro) ayaa ugu baaqay xildhibaannada cusub ee golaha Baarlamaanka inay ka faa’idaystaan aqoon korodhsigan ay u qabteen dalladda SONSAF iyo SOYDAVO, waxaanu ballan qaaday inay ku kordhin doonaan wixii khibrad ah. Wasaarada Warfaafinta Dhaqanka iyo Wacyigelinta Somaliland Md. Saleebaan Cali Koor oo kulankaasi ka hadlay ayaa waxa uu yidhi“Waxa idin hortaagan aniga oo muddo 12-sannadood ka baddan Golaha Wakiillada xubin ka ahaa, waxaan qiyaasi karnaa waxa maskaxdiisa ku jirta xildhibaanka la soo doortay ama ku fikirayo iyo marxalada uu waddanku ku sugan yahay haday tahay dhaqaale, iyo awood kale oo uu waddanku leeyahay. Qaabka loo wada shaqeeyo ‘Xukuumadda iyo Wakiilada”, sida sharciga loo curiyo. Cidda xaq u leh inay curiso, waxa jooga Xoghayihii Golaha Wakiilalada oo ah maskaxdii Golaha Wakiillada. Waxaan idin leeyahay soo dhawaada, cuqdad, yay ina kala qaadin, Waxaynu nahay dad isku doon saaran, oo wada shaqeynaya oo shaqo kulmisay, oo Dastuurku kulmiyay, oo midnimadu kulmisay, oo umadda reer Somaliland kulmisay, oo idinkuna waxaad leedihiin Waajibaad Dastuuriya.”
COMMENTS
|
Latest News
|