|
|
Hargeysa (Yool)-Xoghayaha Qorsheynta ee Xisbiga Waddani Bashiir Cabdi Xariir, ayaa ka hadlay cabasho ka soo yeedhay Shirkadaha Shidaalka, waxa kale oo uu ka hadlay go’aan dhawaan ka soo baxay Wasaaradda Boosaha iyo Isgaadhsiinta, Go’aankaasi oo lagu xadidayo Hirarka Isgaadhsiinta.
Xoghayaha Qorsheynta ee Xisbiga Waddani Bashiir Cabdi Xariir oo ugu horeyn ka hadlay go’aanka ay soo saartay Wasaaradda Boosuhu ayaa yidhi “Maanta wer-wer badan baa ku furan Ganacsatada, kuwa isgaadhsiinta qoraalo ayaa ku soo baxay iyo go’aamo ka soo baxay Wasaaradda Boosta oo Madaxtooyaduna og tahay oo lagu mamnuucay inay la soo dagi karaan wax qalab ah oo xitaa Hay’adihii ay gacanta ku hayn ay dib u habayn ku samayn karaan, birta jabta tii lagu beddeli lahaa ama lagu balaadhin lahaa maanta way ka xaniban tahay oo way ka xidhan tahay, waa qaraar sharci-daro ah oo khalad ah”.
Mar uu ka hadlayey Shirkadaha Shidaalka ayaa yidhi “Kuwii Shidaalka keenayay waxay wer-wer ka qabaan Shirkado waaweyn oo dibedda kaga yimaadda, way ku filan yihiin inay dalkeena shidaal keenaan, iyaga ayaa iibinaayey, iyaga ayaa gaadhsiinayey, haddii dalalka jaarka ah la doonayo in la gaadhsiiyo Xukuumadda xilka saarnaa waxaa laga doonayaa inay heshiisyo la soo gasho dalalka jaarka, oo ay hor mariso Shirkadaha ay iyadu leedahay ee Waddaniga ah, Maanta waxay ka wer-wer qabaan in qaar dibedda kaga yimid oo ka xoog rooni inay suuqa ka saaran oo ay kala wareegaan, Haamihii hore ayaa looga wareejiyey, Dawladda waxaa looga baahan yahay inay ilaaliso madax-bannaanida Ganacsiga, Xukuumadda waxaa laga doonayaa haddii ay doonayso inay talaabo ka qaado Ganacstada inay soo saarto Xeerkii kala xadaynayey Ganacsiga oo iyaga iyo Ganacstada yar yar Xeerkii u dhexeeyey la sameeyo”.
Dhanka kale, wuxuu soo jeediyey in la sameeyo qorshe lagaga maarmayo caafimaad dibadeed iyo qorshe shaqo abuur loogu samaynayo dhalinyarada jaamacadaha ka baxa, wuxuu kale oo uu ka digay in dalku dhaxal wareego, isla-markaana wax laga qabto dadka aan dalka u dhalan ee ku soo qulqulaya.
-
Guddoomiyaha Dahabshiil Group oo Badhtamaha Hargeysa socod Luga ku maray Iyo u Diyaar-garowga Munaasibadda Ciida
-
Maxuu Daaranyahay soo Celcelinta Aqbalaadda NATIIJADA Doorashada ee Masuuliyiinta Xukuumaddu?
-
Daahir Rayaale: Ma Lilaahi baa, Mise Xeelad baa ku Jirta Kulanka Biixi Iyo Irro, ?
-
Cabdisiis Xirsi oo Xisbiga WADDANI ku metelayey Komishanka oo Is Casiley iyo Xisbiga oo Magacaabay Baddelkiisa
-
War-bixin uu Xisbiga WADDANI Soo Saaray Oo Soo Bandhigaysa Tacadiyadii Ay Xukuumadu Geysatay