Burco(Yool-Waxa Maanta gegida Diyaaradaha ee Magaalada Burco, kasoo degey laba Diyaaradood oo ah, kuwa loo yaqaano, (Helicopters).
Labadan Diyaaradood waxa ay soo cago-dhigteen Garoonka Diyaaradaha ee Magaalada Burco, sida uu sheegay La-taliyaha Madaxweynaha Somaliland ee arimaha Bulshada Md Cabdiwaaxid Cabdiraxmaan Cabdiqaadir.
La-taliye Madaxweyne Cabdiwaaxid Cabdiraxmaan Cabdiqaadir waxa uu sheegay in Diyaaradahani yihiin, kuwo Ayaxa Buufiya, isla markaana hore waxay uga soo shaqeeyeen deeganada Gobolka Saraar.
Sidaasna waxa uu La-taliye Madaxweyne Cabdiwaaxid ku sheegay qoraal uu ku baahiyey bartiisa Facebook kasoo u dhigan sidan.
“Waxaa maanta madaarka magaalada Burco ka soo degey Diyaarado qumaatiga u kaca (helicopters) ay Wasaaradda Horumarinta Beeruhu ugu tala gashay in lagula dagaalamo Ayaxa beryahan dambe dalka faro-baas ku hayey.
Hore waxaa gobolka Saraar ugu sugnaa gaadiid buufinaaya Ayaxan aguugaya ee dalka ku habsaday.
Waa hawl inaga baaxad weyd iyadoo Ayaxu uu dalka oo dhan ku degey”